Afmæli á erlendri grund

Ég var í Þýskalandi um helgina. Ferðin hófst í Hannover þar sem ég fór í "suprice" partý hjá Chris vini mínum, hann varð þrítugur. Sérstakt að fara í svona afmæli í þýskalandi með eintómum þjóðverjum! Hann hafði komist á snoðir um hið óvænta. Eftir þó nokkra bjóra var haldið með hann niður í bæ þar sem hann þurfti að sópa rusl þar til að hann fyndi "hreina mey" (eins gott að Silvía Nótt var ekki í partýinu). Ótrúlegt en satt að þá fann hann hreina mey tiltölulega fljótlega og það var haldið til baka í kokteilagerð og fleira fjör.

Sjálfur átti ég afmæli á laugardaginn, eyddi því nú í stíf fundarhöld um IMWe. IMWe liðið var nú samt nokkuð gott við mig og söng afmælissöngin og gaf mér pakka :-) Takk fyrir öll sms og hringingarnar, þið björguðu deginum mínum :-)

En nú verð ég á íslandi næstu vikurnar, ekki vanþörf á þar.

Smá pistill frá Lundúnum!

Jæja ég er staddur í höfuðborg breska samveldisins, London. Var á skipulagsfundi um helgina fyrir Rovernet sem haldið verður í Portúgal í lok mars. Við vorum nú bara þrjú að funda og höfðum þetta nokkuð frjálslegt, eyddum gærdeginum í að ganga meðfram Thames ánni og stoppuðum á kaffihúsum og unnum og skoðuðum okkur um þess á milli. Virkaði ágætlega þar sem við vorum nú bara þrjú. Í gærkvöldi var svo borðað á veitingastaðnum ASK þar sem við hittum Radu og Joao sem einnig áttu að vera að vinna að þessu með mér, Mary og Johanna. Góður fundur en ég á ekki bókað flug fyrr en í kvöld, út er rigning, og ég sit á Paddington lestarstöðinni sötrandi Öl og skrifa á blogger. Ágætt að fá tækifæri til að sitja og gera það sem manni langar til.

Næsta föstudag er stefnan tekin á þýskalands þar sem ég er að fara í þrítugsafmæli og síðan á IMWe fund. Verður mikið fjör...more to come

Silvía Nótt

Ég afrekaði, eins og margur annar, að horfa á Söngvakeppni sjónvarpsins í gær. Það verður að segjast að fjölbreytni í lagavalinu í þessari keppni er frábær en það sem stóð uppúr var Silvía Nótt. Ég verð nú að viðurkenna að mér þótti ekki mikið koma til þáttana á skjá 1 en í gær rokkaði hún, flottur karekter sem er spilað vel úr. Svo ég vona svo sannarlega að hún verði framlag okkar í Eurovision í ár!!!

VÁ

Þetta er agalegt...mánuðurinn að verða búinn...sá fyrsti á þess ári...úff...hvað varð um hann. Það er svo sem búið að vera nóg að gera!

Um síðustu helgi var ég á fundi í Kandersteg í Sviss. Ferðalagið tók ekki nema 13 tíma en samt alltaf gaman að koma þangað. Ferðalagið út gekk framar vonum og við vorum komin á staðinn rétt eftir kvöldmat á föstudag. Þá var strax hafist handa við fundarhöld og þeim var ekki hætt fyrr en á hádegi á sunnudag. Þá tók við ferðalagið heim. Þegar við komum til Zurich til að taka flugið til London uppgötvaðist að við bókuðum flug á vitlausan flugvöll í London. Í staðinn fyrir heathrow flugum við á Lonon City Airport, hann er svona svipaður aðstærð og Reykjavíkurflugvöllur og þangað fljúga bara minni en 100 farþega vélar. Þá tók við tveggja tíma ferðalag með London Underground og Heathrow express til að ná vélinni heim, sem við rétt náðum. Ég sit heima núna veikur eftir þetta allt saman...úff...

Nýja árið byrjar með hvelli

Það má segja það að eitthvað hafi beðið af verkefnum í vinnunni, þetta er svona þegar maður ákveður að taka sér smá frí yfir hátíðarnar. Þetta er allt að komast í gang á nýjan leik og ég er að ná áttum.

Við reyndar tókum okkur frí um síðustu helgi, ég og Álfheiður, og héldum í bústað í Miðhúsaskógi, frábært dæmi til að hlaða batteríin fyrir törnina framundan.

Síðan bætist við þetta að Pabbi er í prófkjörsbaráttu og maður reynir að gera sitt besta til að aðstoða hann í því. Hann er kominn með síðu og allt: www.simnet.is/bragimich

En ótrúlegt en satt að þá frestaðist námskeiðið sem ég átti að vera með um helgina og þess í stað á að halda í hellaferð á laugardaginn...meira um það síðar.

Árið

Gleðilegt ár öll sömul, vona að þið hafið haft það sem best yfir hátíðirnar. Ég allavega fékk kærkomið frí og afslöppun. át á mig gat að sjálfsögðu.

Það er til siðs hjá mér að gera upp gamla árið svona í upphafi þess nýja og horfa örlítið fram á veginn...enginn breyting á því nú og hefst þá upptalningin:

janúar
Ég fór á ráðstefnu í Hollandi með Jóni Grétari um viðurkenningu á sjálfboðaliðastörfum. Nokkuð gott dæmi. Já og ég útskrifaðist sem Viðskiptafræðingur, ekki að það hafi breytt nokkru fyrir mig en :-)

febrúar
Ég fór til Slóvakíu og Þýskalands í þessum mánuði á fundi. Síðan varð ég 27 ára, svei mér þá að maður eldist.

mars
Tja já hvað var það nú! Já ég fór á Róverfund í Frakklandi og á IMWe í Þýskalandi. IMWe var frábært og gaman að kynnast aðeins austur þýskalandi.

apríl
Ég komst að því að það er hægt að leigja þjóðverja fyrir lítinn pening, ekki slæmt það. Við héldum stórglæsilega Svanstónleika og Skátaþing var haldið á Úlfljótsvatni.

maí
Þetta var nú eiginlega sumarfrísmánuðurinn minn. Við Álfheiður fórum til Heidelberg og Frankfurt í Þýskalandi og áttum saman yndislega viku. Síðan fór ég á IMWefund og á ráðstefnu í Lúxemborg um dagskrár og þjálfunarmál skátahreyfingarinnar.

júní
Vinnan byrjaði að aukast fyrir Landsmót skáta. Mikil skipulagning og fáir frí dagar

Júlí
Landsmót skáta var haldið með pomp og pragt. Ég hafði umsjón með fjölmiðlum, 700 erlendum skátum og öðru tilfallandi. Frá miðjum júlí og fram í ágúst var vinnudagurinn 18 tímar á sólarhring að lágmarki. En allt gekk þetta þó upp og endaði vel.

ágúst
Menningarnótt með Öndinni á Kaffi Vín er ómissandi þáttur í tilverunni. Álfheiður varð 20 ára + 4.

September
Frábært afmæli IMWe í Þýskalandi. SAMAN mótið var haldið í Þórsmörk og RAP vinnan byrjði af alvöru.

Október
Fór tvisvar til Genf. Fyrra skiptið á Róverfund og seinna í atvinnuviðtal. Fékk ekki vinnuna en þetta var skemmtilegur og fræðandi skóli.

Nóvember
Keypti íbúð og fór ekkert til útlanda, tja ég fór reyndar í svaðalega sjóferð til Vestmannaeyja og hélt námskeið þar.

Desember
Jóla hjól...fór kom sá og sigraði. Ég fór til London helgina fyrir jól á Róverfund. Eyddi jólunum fyrir norðan og áramótunum fyrir sunnan.

En hvað er svo framundan jón á nýju ári?
Ég verð talsvert á ferð og flugi fyrrihluta ársins. Verð ekki einu sinni heima á afmælinu mínu spáið í því. En ég held að þetta verði líka mjög skemmtilegur tími framundan...kemur í ljós...

Gleðileg jól

Það eru jól að hefjast í dag. Síðustu viku er ég búinn að fara víða. Um síðustu helgi var ég í London á fundi, góður fundur, og núna er ég kominn til Akureyrar þar sem jólin verða haldin hátíðlega. Ég óska ykkur öllum gleðilegra jóla.

það er miðvikudagur

Skrýtið með það hvernig þessir dagar fljúga einn af öðrum. Áður en þú viest af (eftir 10 daga) eru kominn jól, fólk treður sig út af mat og rífur utan af pökkunum. Smá hlé á stressi og aftur í hversdagsleikan eftir að allt hefur verið brotið upp...én hvað ætla ég að gera á þessum tíu dögum...London Yee baby...fer á föstudaginn til London á fund og fæ víst líka að fara í London Eye. Ekki leiðinlegt það að sleppa aðeins frá stressinu og chilla í london.

Reykingar

Aldrei þessu vant var ég glaðvaknuður í fyrrafallinu á sunnudagsmorgni og ákvað að horfa á Sunnudagsþáttinn á skjá einum (Álfheiður lá uppí rúmmi). Svo sem ekki frásögu færandi að maður horfi á einn umræðuþátt á sunnudagsmorgni nema hvað umræðuefnið vakti athygli mína, frumvarp um bann við reykningum á veitingahúsum og skemmtistöðum. Þetta er mál sem ég er búinn að bíða lengi eftir og styð heilshugar, ég hef aldrei skilið það hvernig 15% þjóðarinnar getur ráðið andrúmsloftinu á skemmtistöðum, þú kemur heim eftir að hafa farið á skemmtistaði og þarf að passa þig á að setja fötin í poka og loka honum til að þú lifir af daginn eftir. Ef maður fer edrú á skemmtistaði að þá er það samt ávísun á hausverk daginn eftir út af reykningum. Í þættinum komu fram þær fullyrðingar að engar rannsóknir sýndu fram á skaðsemi óbeinna reykninga (bull bull bull) það var eins og einn af þáttarstjórnendunum væri að halda í síðasta halmstráið þar sem ein rannsókn sem gerð var gat ekki sýnt fram á tengslin þarna á milli!!! Að banna reykingar á skemmtistöðum er ekki skerðing á persónufrelsi, að sama skapi gæti ég sagt það að leyfa það sé skreðing á mínu persónufrelsi.

Til ykkar sem reykið - sá á kvölina sem á völina!

Íbúðalán...dráttavextir og svínarí...frábærir tónleikar

Íbúðalánið kom í gegn í dag eða réttara sagt við þurftum að byrja að borga af því. Þetta er búið að taka næstum því mánuð að ganga frá öllu sem hvíldi á íbúðinni svo að við gætum greitt þetta út. Það besta er að lánið byrjaði að telja 15. nóv. eins og um var samið við bankann en ég hafði ekki áttað mig á því að frá þeim tíma átti ég að fara að borga af því, enda fékk ég enga meldingu um það frá bankanum. Þannig að þegar að greiðsluseðillinn kom inn í dag voru vextir og dráttarvextir farnir að tikka. Það á ekki vel við mann sem er ferlega illa við að skulda vexti, blóðpeningar, svo ég hringdi í bankann og reifst og skammaðist og á endanum féllust hann á að endurgreiða mér vextina þar sem þetta var ekki mín sök. Þá er bara að safna upp í lokagreiðslu sem er 2. janúar og þá fáum við afhent afsalið af íbúðinni.

Svanstónleikarnir voru á sunnudaginn. Þeir heppnuðust frábærlega vel, sjá á www.svanur.org. Þetta er ekkert smávegins flott band orðið verð ég nú bara að segja :-)

af nóvember er það helst að frétta...

Vá maður heill mánuður nánast liðinn. úff hvert fór hann...alveg fór þetta fram hjá mér...þetta gerðist eftir síðustu færslu

Lúðrasveitin Svanur, sem ég er formaður í, hélt uppá 75 ára afmæli þann 19. nóvember með heljareinarveislu eins og sæmir. Það mættu um 80 manns sem var bara þokkalega dreift eftir aldri. Álfheiður sá um að gera pinnamat en ég um áfengið og annað dót. Heppnaðist bara nokkuð vel.

Um síðustu helgi var síðan íbúðin tekin í gegn. Farið í gegnum skólaglósur og miklu hent. Allt annað líf eftir það.

Annars er mikið að gera í vinnunni þessa dagana. Endalaus fundahöld kvöld eftir kvöld og mikil framleiðini þar á milli. Í næstu viku er stefnan á að gefa út skátablað um helgina fer ég norður á Akureyri á fund og á sunnudaginn eru Svanstónleikar. Allir að mæti byrja kl. 20.

Solltur íbúðaeigandi

Þá er það frágengið við erum búinn að skrifa undir alla pappíra og greiða fyrstu afborgun af íbúðinni. Þannig að við erum orðin stollir íbúðaeigendur. Við göngum frá afsali og slíku 2. janúar og þá er þetta komið!

Vestmannaeyjar úff

Síðustu tvær vikur hafa verið ótrúlegar, yfirdrifið mikið að gera. Ég þurfti að hlaupa í skarðið um síðustu helgi og halda námskeið í Vestmannaeyjum. Aðra eins sjóferð hef ég aldrei farið og afrekaði það að verða sjóveikur í fyrsta sinn. þetta byrjaði ágætlega, kom um borð í Herjólf og pantaði hefðbundna sóða borgarann hjá henni Siggu, en eftir tveggja tíma hopp í Herjólfi og allir lágu orðið ælandi brast stíflan hjá kallinum og hann steinlá. Maður er eiginlega ennþá að jafna sig. Námskeiðið gekk ágætlega og heimferðin. En þetta þýddi það að dagskráin þessa vikuna hefur verið frekar stíf, fundir, fundir, fundir og annar fundur. Á föstudaginn er ég síðan að fara á vinnufund í bústað í Grímsnesi. kem heim á laugardag.

og þá kom vetur...

Vetur konungur hóf innreið sýna á skerið með stórum hvelli í dag. Flughált á götunum og eitthvað eilítið af snó kyndi niður. Furðulegt nokk að ég ákvað í fyrra dag að setja nagladekkin undir bílinn, sem ég hafði verið með í skottinu í tvær vikur :-) !!!

Af íbúðakaupum er það að frétta að við erum búinn að fá samþykki á öllum stöðum og nú er bara verið að útbúa kaupsamning og afsalið. Það verður gengið frá þessu öllu í næstu viku og þá verðum við orðin stolltir íbúðaeigandendur.

Ég fór á fyrsta námskeiðið mitt hjá Endurmenntun HÍ. Fjölmiðlanámskeið, bara nokkuð gott en furðu mikið hafði ég þó lært í Tækniháskólanum. Ég lærði kannski einna helst að skrifa góðan texta, það er nú víst þarfaþing.

Faramundan er róleg helgi, skoða innréttingar fyrir nýtt baðherbergi osfrv. Annars bara meinhægt!!!

Íbúðakaup

Við skrifuðum undir kaup á íbúðinni sem við búum í síðastliðin mánudag. Við erum búinn að eyða vikunni í að skoða fjármögnunarmöguleika, sækja um eitt lán hætta við það og sækja um annað. Ljóta hringavitleysan allt saman. Við tökum lán hjá Landsbankanum og erum aðskoða hvað lengi osfrv. Mér sýnist það stefna í að við tökum 25 ára lán og 15 ára viðbótarlán, þá er greiðslubyrgðin ásættanleg. Annars er þetta ljóti hausverkurinn að standa í þessum málum og ég vona að þetta gangi yfir fljót og vel.

Ég fór í viðtal síðasta föstudag í Genf. Viðtalið gekk ágætlega en ég fékk ekki vinnu, góður skóli þó að sækja þetta viðtal.

Skammt stórra högga á milli

Já það er aldeilis mikið sem hefur gerst í mínu lífi síðustu tvær vikur. Fyrir tveimur vikum lá þetta nokkuð ljóst fyrir, en í dag er þetta allt breytt.

Ég fór á skátafund í Genf fyrir viku um nýjan ramma fyrir Róverstarf í Evrópu. Sá meðal annars alheimsskrifstofur skáta og auðvitað evrópuskrifstofuna. Sá reyndar lítið af Genf en það sem ég sá lofar mjög góðu. Daginn áður en ég fór út sendi ég umsókn um starf á evrópuskrifstofunni, átti nú ekkert sérstaklega von á að það kæmi eitthvað út úr því. En síðasta mánudag fékk ég tölvupóst þar sem ég er boðaður í viðtal 14. október kl. 14:30 í Genf. Þar á ég að flytja erindi um: "The importance of expanding a culture of volunteering in Scouting - actions to help achieve this goal". er að hefjast handa við að undirbúa það núna. Ég er að reyna að halda mig á jörðinni og tel svona 50% líkur á að ég fái þetta starf.

Ég lagðist í bælið með kvefpest í síðustu viku. Sennilega hef ég verið orðin veikur útí Genf því ég var frekar slappur þar. Þannig að síðasta vika var í algjöru messi hjá mér.

Á föstudaginn hringdi leigusalinn í mig og tilkynnti að það væri verið að setja íbúðina á sölu. Við áttum reyndar von á því að þetta myndi gerast og erum að spá í að kaupa íbúðina.

Sem sagt...það sem framundan er...er á fimmtudaginn flýg ég til Genfar, viðtal á föstudaginn, flýg til London á laugardaginn, heimsæki tengdó í Nottingham og kem heim seint á sunnudagskvöldið.

Genf hear I come

Jæja ég er að gera mig kláran í að skreppa til Genfar. Ég stoppa reyndar í nokkra klukkutíma í Köben á morgun og mun hitta hana Fríði vinnkonu mína, hún ætlar að sýna mér íbúðina sína og svo kíkjum við eflaust bara á kaffihús. Ég er að fara á fund með Rover Task Force, skemmtilegt nafn, skátadæmi sem sagt.

úti er stormur svo ég mun ekkert sakna hans þegar ég flýg seglum þöndum af skerinu á morgun, ætli hann bíði mín ekki bara þegar ég kem heim...piff

Vetur konungur

Vetur konungur hefur hafið innreiðs sína á skerið! Ég þrufti að skafa af bílnum í gær, slapp við það í morgun þar sem Álfheiður fékk náðsamlega að vera á bílnum. Samkvæmt mínu dagatali er ennþá sumar og þá á Esjan ekki að vera hvít...hvað finnst ykkur.

Helgarplanið er að fara í Þórsmörk á dróttskátamótið SAMAN. Það eru 130 manns að fara svo þetta ætti að verða mikið stuð. Ferðasagan kemur eftir helgi.

Ég er byrjaður á Þýskunámskeiði með Álfheiði. Hún vildi gera eitthvað svona saman í vetur, fara í dans eða eitthvað. Ég vildi nú ekki heyra á það minnst og lagði til að við færum á þýskunámskeið. Þetta námskeið er náttúrulega tær snild maður lærir tungumál bjórsins og pylsnanna, ekki slæmt það ha!!! Ég verð altalandi á þýsku áður en þið vitið af :-)

IMWe reunion og annað helst...

Jæja ég hef verið frekar latur við að skrifa uppá síðkastið, ætla að reyna að gera bragabót þar á núna :-)

Ég var að koma frá Þýskalandi þar sem ég tók þátt í 50 afmælisfagnaði á IMWe. Þarna mætti um 50 manns, flestir hafa unnið að skipulagningu IMWe í gegnum árinn en nokkrir bara komið sem þátttakendur. Það var mjög gaman að sjá að við erum greinilega að gera góða hluti í dag og einnig að þróuninn hefur verið mjög jákvæð síðustu ár. Fyrir þá sem þekkja IMWe var þetta ekki eins og venjulegt IMWe þar sem þetta var frekar í rólegri kanntinum, mjög gaman þó.

Næsta utanlandsferð er á fund í Genf í enda mánaðarins. Enn í millitíðinni fer ég á Úlfljótsvatn og í Þórsmörk.

Menningarnótt

Jæja þá er enn einni menningarnóttinni lokið. Við spiluðum og spiluðum og spiluðum aðeins meira alveg til tvö. Það leit reyndar út fyrir að við myndum hætta um hálf eitt en þar sem við vorum stoppaðir af af staffinu á kaffi vín, sem betur fer var þetta misskilningur og þau báðust afsökunar og við héldum áfram að spila. Afrakstur kvöldsins er að finna síðunni hjá fjalari. Í held sinni er ég mjög ánægður með kvöldið og hlakka til að takast á við næstu Andar verkefni:-) Myndir koma væntanlega eftir helgi á myndasíðuna.

Menningarnótt er handan við hornið...

Það styttist óðum í menningarnótt, við í Öndinni erum búnir að æfa mjög reglulega síðustu vikur til að vera til í slaginn. Við höfum bætt 10 nýjum lögum á prógrammið okkar, tvö frumsaminn lög eftir Matta og tvær syrpur eftir hann líka. Þetta lítur allt mjög vel út :-) Allir að mæta á Kaffi Vín á menningarnótt, talið í um klukkan 21:30 og spilað fram á rauðan morgunn...

Af öðrum málum er það að frétta að ég er ekki ennþá búinn að taka neitt frí að ráði, þrátt fyrir að það hafi verið planið. Það er víst svo að ekki geta allir tekið sér frí á sama tíma og þar sem ég er búinn að taka hluta af mínu fríi ákvað ég að láta eftir og vinna síðustu viku. Næ væntanlega að taka einn eða tvo daga í næstu viku síðan tekur maður eitthvað frí í haust.

Þar sem það er svo langt síðan ég hef eitthvað látið út úr mér varðandi pólitík að þá get ég ekki látið hjá líðast að minnast á að loksins er R-listinn að liðaðst í sundur. Sem er að sjálfsögðu mikil gleði tíðindi að eitthvað vitrænt stjórnunarform komist á borgina á nýjan leik með nýjum meirihluta í vor...nóg um það í bili...

Fyrsti frídagurinn í mánuð

ÉG á frí í dag - jibbý...síðustu vikur hafa verið vinna allan sólarhringinn! Í dag losna ég við megnið af útlendingunum og eftir er örfáir sem ætla að ferðast á eigin vegum, maður verður eitthvað fram eftir vikunni að ganga frá Landsmótinu og undirbúa startið næsta haust. Síðan fer maður vonandi í svona eins og viku frí til að safna kröftum fyrir næsta bardaga ;-)

Landsmót skáta gekk mjög vel, það kom ekki dropi úr lofti alla vikuna. Æfingar fyrir menningarnótt eru hafnar og það verður æft stíft næstu vikur, Öndin er að undirbúa nýtt prógram sem á eftir að koma skemmtilega á óvart ;-) Meira um það síðar...

Vinna

Það er brjálað að gera þessa dagana, Landsmót skáta er einungis eftir 10 daga. Fyrstu útlendingarnir koma í kvöld, en þetta verður nú samt rólegt (í komum) fram á mánudag. Á næstu 10 dögum á ég von á um 800 erlendum skátum. Þannig að næsta vika verður brjáluð...eins og maðurinn sagði. Það verður allavega ekki rólegt aftur fyrr en um verslunarmannahelgina. Nóg að sinni...

Duran Duran

Ég skellti mér á Duran Duran í fyrradag, snildar tónleikar. Mér leyst nú ekkert svakalega vel á þetta því að þegar ég gekk inn að þá var Simon ramm falskur og þetta einhvernveginn virkaði ekki. En í þriðjalaginni klikkaði þetta allt saman og fór að hljóma þokkalega. Þetta er náttúrulega stemmingsband en ekki bestu tónlistarmenn í heimi. Í hnotskurn er hægt að segja að þetta hafi staðið vel undir væntingum og var hin besta skemmtun.

Duran Duran kvöldið byrjaði reyndar ekkert svakalega vel. Hún Anna María vann í einhverjum leik ferð með limmu á tónleikana og út að borða á Rossopomodoro (eða hvernig sem það er nú sagt). Limman kom klukkutíma of seint svo það var étið í miklu hasti. Svo til að kóróna allt mætti ljósmyndari frá séð og heyrt og tók myndir af okkur í matnum og limmunni. Mættum á tónleikana þegar það var verið að spila fyrsta lagið...just in time ;-)

Svona rétt í lokinn er rétt að minnast á flotta jazz tónleika sem ég fór á með Finni og Matta. Nenni ekki að skrifa um þá, það er hægt að lesa allt um þá á www.finnurmagnusson.com Hljómsveitin heitri Tyft...

Það er víst rétt að fylgja tilmælum Möggu og skrifa eitthvað hér í staðinn fyrir að ráðast á blásaklausar konur á öðrum vefsíðum...hehemm...

Ég er kominn heim, reyndar er nákvæmlega vika síðan. Ráðstefnan í Lux var tær snild og margt gott að gerast í skátaheiminum. Maður kemur uppfullur af nýjum ferskum hugmyndum og tilbúin í bardagan sem framundan er. Ég held reyndar að ég þurfi að fara að einbeita mér meira að landsmótinu og láta framtíðina bíða aðeins, frá og með næstu viku kemst maður víst ekki upp með annað.

Það lítur ekki vel út með laugarvegsgönguna mína, sem var eina markmiðið mitt í sumar. Kannski að maður láti fimmvörðuhálsinn nægja í ár og taki laugarveginn með trompi næsta sumar þegar meiri tími er til staðar. Málið er að allur júlí er frátekinn fyrir Landsmót skáta, í ágúst taka síðan við námskeið og æfingar fyrir menningarnótt þannig að það er erfitt að bregða sér frá. Ég er reyndar ekki búinn að gefa upp alla von, sjáum til....aldrei að segja aldrei.

jæja þá er ég kominn til Luxemborgar eftir viku frí í Þýskalandi. Við Álfheiður hófum ferðina hjá Írisi og Sævari í Stuttgart sem voru frábærir gestgjafar eins og ávallt, þá var haldið til Heidelberg á mánudaginn fram á föstudag. Við fundum frábært gistiheimili hjá gamalli konu, 30 stiga hiti og flott veður. Við skoðuðum helling, segi betur frá því seinna. Helginni eyddum við svo í rólegheitum í Frankfurt. Álfheiður flaug svo heim í gær og ég tók lestina til Lúx. Er sem sagt mættur á ráðstefnu með fullt af skátum og verð hér fram á sunnudag. Ég er ekki alveg viss hvað tekur við þá...

Rok, rigning, sól og snjór er eitthvað sem ég hef upplifað hér á Úlfljótsvatni síðustu tvo daga. ÉG kom hingað í gær til að aðstoða við skólabúðir og fer heim seinnipartinn í dag. Þetta er ágætt að geta brotið vinnuna upp annað slagið og farið á Úlfljótsvatn að leika sér. Annars hefur verið lítið um leik, ég var settur í eldhúsið og hef lítið sem ekki neitt farið út fyrir hússins dyr.
Það er margt á dagskrá næstu vikurnar:
Hvítasunnuhelgin - Akureyri
20.-22. maí - IMWeTeam fundur í Þýskalandi
22.-29. maí - Sumarfrí með Álfheiði í Þýskalandi, förum til Stuttgart og Heidelberg. Annað hefur ekki verið ákveðið.
29.maí til 5. júní - 4youth forum á vegum WOSM. í Lúxemborg.
5.-7. júní - Slæpast einhverstaðar í þýskalandi. Ákveðið síðar.

Það er ekkert talað um neitt annað þessa dagana en að selja síman. Mikið af fólki segir að þetta sé mesta vitleysa þar sem við séum að græða svo mikið á símanum. EN stöldrum nú aðeins við: Ef þú rekur fyrirtæki er þá ekki einmitt besti tíminn til að selja það þegar vel gengur því þá færðu besta verðið? ég bara spyr. Er með einhverju móti hægt að réttlæta það að ríkissjóður bindi allt þetta fé í símafyrirtæki? Er ekki meira vit í að selja fyrirtækið, greiða niður skuldir, byggja sjúkrahús og eitthvað þess háttar? Mér finnst þessi umræða vera á algjörum villigötum, nærtækast er að benda á að einkavæðing bankana var sennilega eitthvað mesta gæfuspor sem við höfum stigið. Þeir sækja nú ótrauðir fram og skila miklu meiri arði til þjóðarbúsins heldur en þeir gerðu í ríkiseigu. Ég segi bara hættum þessari djö...rómantík og seljum kompanýið sem hélt okkur í gíslingu í áraraðir. Það var ekki fyrr en 1998 þegar að samkeppni komst á símamarkaðinn að við fórum að njóta ávaxtana. Niðurstaðan er, seljum símann hæstbjóðenda öllum til hagsbóta.

Internetið bíður uppá marga möguleika - Álfheiður benti mér á þessa snildarsíðu áðan "rent a German". Á þessari síðu getur þú leigt Þjóðverja með ýmsum hætti:

• Business packed - þú tekur þjóðverjan með í vinnuna. Hann vinnur fyrir þig, bætir mórallinn og allt.
• Frí pakkinn - fáðu Þjóðverja með þér í fríið.
• Helgarfríið - Njóttu þýskrar helgar hvar sem þú villt!
• Suprice - komdu vinum og ættingjum á óvart og mættu með þjóðverja í veisluna.

Sem sagt algjör snild!!!

Það er komin apríl og hálfur mánuður síðan ég lét í mér heyra síðast. Það er nú bara eins og það er. Frekar mikið að gera þessa dagana, ég skrapp í tíu daga til þýskalands og tók þátt í IMWe sem er náttúrulega tær snild. Algjörlega ný upplifun að hafa heimsótt hjarta austur þýskalands og sjá hversu ólík menningin er frá öðrum pörtum landsins sem ég hef heimsótt.
En núna er frekar mikið stress í gangi. Svanstónleikar næsta mánudag og skátaþing um aðra helgi...later...

Jæja þá er ég komin á skerið á nýjan leik eftir frábæra páskaviku í Þýskalandi. Ég fór á IMWe sem var haldið í Mandsfeld í austur Þýskalandi. Tær snild eins og venjulega. Þrátt fyrir ýmsar athugasemdir við þýskukunnáttu mína að þá dugaði hún mér nokkuð vel þegar ég fór að versla í fyrir IMWe en ég bar ábyrgð á fara að kaupa inn að þessu sinni og kynntist þar af leiðandi svæðinu aðeins meira heldur en flestir aðrir. Svakalegasti verslunartúrinn sem við fórum í tók fimm tíma. Þá fórum við í IKEA í Leipzig sem átti einugis að taka þrjátíma en sökum "non-existing autobahn" að þá tók þetta örlítið lengri tíma. En sem sagt mikið stuð...

Næsta ferð er ekki fyrirhuguð fyrr en 20. maí til Þýskalands...

Það segir sitt lítið af hverju þegar það líður mánuður á milli færslna hjá manni. Síðasti mánuður hvarf eiginlega bara ég veit eiginlega ekki hvernig...jú kannski. Síðustu helgina í febrúar voru æfingabúðir hjá Svaninum á Laugalandi og ég fór norður á Akureyri á sunnudeginum á skátamálþing. Helgina eftir það var Gilwell, þar sem ég og Jón Grétar héldum næturleik og glymrandi fyrirlestur. og svo um síðustu helgi var haldið til Frakklands nánar tiltekið Jambville.

Ég er sem sagt komin í verkefnahóp hjá Evrópuráði skáta sem á að fjalla um nýjan dagskrárramma fyrir aldurinn 18-25 ára. Við fengum til liðs við okkur um 50 skáta víða úr Evrópu um síðustu helgi til að hefja vinnuna og svo munum við fimm sem skipum hópinn vinna úr niðurstöðunum og kynna nýjan ramma á Evrópuþingi skáta 2007. Þetta þýðir með öðrum orðum að ég þarf að fara á fund í Lúxemborg í júní, Genf í okt, London í des og á ítalíu í mars á næsta ári. Meira hefur ekki verið ákveðið.

Á morgun held ég svo til Þýskalands á IMWe sem ég hef verið að skipuleggja núna í meira en ár. Búningurinn er klár og ég er að prenta síðustu skjölin áður en haldið verður í hann. Þetta verður fjör get ég lofað ykkur. Kem heim 29. mars.

Sá merki atburður varð á þriðjudaginn að Elva og Reynir eignuðust sína fyrstu dóttur :-) Sem betur fer fyrir þau var það ekki strákur því þá hefði hann nú þurft að heita Jón...hehe...segi bara svona. En ég óska þeim að vitaskuld til hamingju með erfingjan...

Auf widesen..ekki segja mér að þetta hafi verið vitlaust...sem það er örugglega...

Ég fór í Klifurhúsið áðan og það er skemmst frá því að segja að formið sem ég var komin í er horfið. Hva..þó maður taki sér frí í mánuð! Stefnan er að bæta þetta og mæta aftur á föstudag. Annars er nóg að gera þessa dagana í vinnu og frítímanum. Um næstu helgi verður haldið í æfingabúðir með Svaninum og svo norður á Akureyri á skátafund á sunnudag.

Ótrúleg tíðindi að ég hef verið á skerinu í heila viku. Ég vann fyrstu heilu vinnuvikuna á árinu í síðustu viku og átti afmæli á laugardaginn. já ég varð 27 ára gamall og fékk í afmælisgjöf óvænta afmælisveislu sem Álfheiður skipulagði í samráði við nokkra af vinum mínum. Ég var leiddur í gegnum ýmsar þrautir sem endaði í partýi hjá Önnu Maríu í Hafnarfirði.

Annars er mjög mikið að gera þessa dagana sem ætti að vera auðskilið þar sem ég hef ekki verið á landinu til að vinna fulla vinnuviku síðan á síðasta ári. Næsta ferð er skipulögð til Frakklands 9.-14. mars og svo á IMWe í Þýskalandi 18.-29. mars. Þó nokkur undirbúiningur sem ég þarf að sinna fyrir þessar ferðir.

Langþráð frumvarp um bann við reykingum á veitingastöðum og opinberum stöðum hefur verið lagt fram á alþingi. Ég styð þetta heilshugar og þá verður kannski hægt að fara út að skemmtasér án þess að koma heim angandi eins og öskubakki og með dúndrandi hausverk af öllum þessum tóbaksreyk. Ég hreinlega skil ekki hvernig fólk getur mótmælt þessu eins og félagar mínir í sjálfstæðisflokknum hafa gert - það má ekki ganga á eignarétt veitingahúsaeigenda. Hvers konar bull er þetta, það er í almannahagsmunir sem mæla með því að banna þetta.

Ég er staddur í Tyskalandi hjá Christof og Christoph. Ég er ad fara á IMWe fund á Rieneck núna um helgina. Tad verdur mikid fjör ad venju vaenti ég. En ég kem heim á sunnudaginn og verd a skerinu naestu trjár vikurnar hvort sem tid trúid tví eda ekki...

Eg er staddur i slovakiu tessa helgi og kem heim a sunnudagskvold. Eg er nuna i gomlum namabae sem er mjog flott, nog af snjo! Vid erum ad skipuleggja dagskra fyrir helgi sem verdur um midjan mars i Frakklandi um nyja dagskraramma fyrir aldurinn 16-21 ars i skatastarfi. Spennandi daemi...matarhleid er vist buid svo tad er best ad koma ser aftur ad storfum...

Þá er ég loksins útskrifaður og ber því nafnbótina Viðskiptafræðingur. Mikil gleði, í dag kom fjölskyldan í kaffi og í kvöld verður framhald á veislunni þegar nokkrir gamlir skólafélagar og vinir koma í heimsókn. Allir dirty díteilarnir verða settir hér fyrr en seinna...

ég er hýr og ég er glöð, jón er komin heim! ég kom á skerið í gær með látum, haldið þið ekki bara að ég hafi verið böstaður í tollinum út af því að ég var með 200 ml. meira af sterku áfengi heldur en leyfilegt er. En þar sem ég játði brot mín greiðlega þá þurfti ég einungis að greiða einkaleyfisgjald og vsk af umframmagninu, auk þess að lofa að framvegins færi ég í gegnum rauðahliðið ef ég væri með eitthvað aukalega. Þetta gerði heilar 578 kr. og á meðan ég var yfirheyrður var verið að bösta eitthvað lið fyrir að koma ólöglega til landsins, bara svona til að undirstinga alvarleika glæpsins sem ég framdi ;-)
En ég fór í frábæra ferð til Hollands, vel skipulagt og árangursríkt námskeið um viðurkenningu á störfum sjálfboðaliða í atvinnulífinu og í skólakerfinu. Ég er að undirbúa námskeið og þýðingu á gögnum sem við munum reyna að gefa út í kjölfarið...nokkuð gott. Síðan heimsóttum við jónarnir Elfu og Reyni í Lundi svona út af því að við vorum á ferðinni. Sem verra er að við vorum svo þreyttir að við náðum ekki að drekka reyni út á gaddinn...better luck next time!

að vera veikur er alvarlegt mál og ekki barna leikur. það eru atriðið sem eru ekki fyrir viðkvæmar sálir eða hjartveika! Ef þú telur mikla nauðsyn á að leggjast í veikindi skal því beint til yðar að halda yður innan dyra og umgangast ekki annað fólk. Láta yður vaxa skegg og ekki baðast svo dögum eða vikum skiptir. Þegar fílan, hárið og allar vidíóspólur heimilisins og sjoppunnar eru upprunnar þá tekur þú þig saman í andlitinu og stígur á stokk veraldlega leikritsins á nýjan leik og ferð til Hollands...HA...Hollands...JÁ...Hollands! Hey bíddu nú við átti sagan að enda svona - furðulegt!

Þetta er nú bara svona lýsandi fyrir ástandið á mér þessa síðustu daga. Það eina sem ég er að spá í núna hvort ég nái ekki þessum andsk... úr mér áður en ég fer til Hollands á miðvikudaginn. Við skulum nú vona það. S.s. fimmti dagur í veikindum!

Er að verða góður af veikindunum, smá kvef eftir. Ég ákvað að vera heima í dag til að ná þessu örugglega úr mér en á morgun bíður hvort sem er vinna. Ferlega leiðinlegt að hanga heima og sofa, horfa á sjónvarp, pikka í tölvuna og sofa aðeins meira, síðan er maður búin að sofa svo mikið yfir daginn að maður sofnar ekki fyrr en um miðja nótt. Svona er þetta víst!

Ég ákvað rétt í þessu að ég væri orðin nógu frískur til að fara út að borða og hitta gamla skólafélaga. Enda er ástæða til að fagna, fékk í gær niðurstöðu úr síðasta prófinu sem ég tók um daginn og náði því. Þar með er ég búin að ljúka öllu í Tækniháskólanum og get því útskrifast þann 29. janúar nk. Temmilega sáttur við að hafa loksins lokið þessu og geta haldið áfram. En hvað tekur við, búin með fyrstu háskólagráðu, er það nóg? á maður að fara í master? hvað á maður eiginlega að gera? Vinna er allavega það sem ég geri næsta árið, hvað tekur við þá hef ég ekki hugmynd um. Kannski að vinna áfram eða mennta sig meira eða bara bæði - bæði gott - eins og í auglýsingunni.

En svona er þetta loksins orðin fullvaxta maður - spáið í því...

ég sit hérna heima veikur núna - ekkert fjör! Fór heim í gær veikur úr vinnunni, þarf að reyna að ná þessu úr mér þar sem ég er að fara til Hollands næsta miðvikudag. Þetta er svona að láta smita sig...úff en kemur svo sem á skársta tíma sem hægt var en ekki þeim besta.

GLEÐILEGT ÁR!
Það gamla er nú liðið og nýtt og skemmtilegt ár framundan. Síðasta ár var mjög skemmtilegt að mörgu leyti. Ætli það sé ekki best að hafa smá upptalningu á árinu sem var að líða:
Janúar - tja hvað gerðist í janúar úff það er svo langt síðan...jú kláraði skólan (að mestu) og lék í leikritinu meistaranum og margaríta með Hafnarfjarðarleikhúsinu. Stóð reyndar fram í apríl.
Febrúar - Venju samkvæmt átti ég afmæli í þessum mánuði og skrapp til Þýskalands á IMWe fund. Leikritið hélt áfram.
Mars - Skátaþing var haldið í þessum mánuði, æsispennandi kostningar til skátahöfðingja og fleirri mála. Leikritið hélt áfram. Undirbúningur fyrir Evrópuþing skáta kominn á fullan skrið.
Apríl - Ég komst að því þegar ég horfði á fréttaannál ársins að ég hafði misst af annsi miklu þennan mánuðinn. En Evrópuþing skáta var haldið þennan mánuðinn, ekkert páskafrí bara vinna vinna vinna vinna aðeins meira og spila í leikritinu.
Maí - Mig minnir nú að þessi mánuður hafi verið tiltölulega rólegur eftir æsinginn mánuðina á undan.
Júní - Fór til Þýskalands og London. Jón Grétar og Bára giftu sig, það var haldið uppá 17. júní. missti af landsmóti Lúðrasveita og tja...
Júlí - Agnes og Sissi giftu sig og við Álfheiður og ég fórum í Interrailferð um Evrópu. Mikið fjör, hittum fullt af skemmtilegu fólki og áttum yndislegan mánuð - Hvar er HVAR?
Ágúst - Kom heim úr Evrópureisu og fór og flatmagaði í hitabylgju á Úlfljótsvatni meðan ég stjórnaði flokksforingjanámskeiði.
September - Úff vann mikið og fór víða. M.a. fór ég með Svaninum á frábært Lúðrasveitamót í Þýskalandi.
Október - Vann aðeins meira og fór norður á Húsabakka í Svarfaðardal, á Gufuskála og á Úlfljótsvatn m.a. og já slóg í gegn í Sing star!
Nóvember - já bíddu við ég skrapp óvænt til Noregs á fund og hitti Ingó bróðir minni og fjölsk.
Desember - Rólegheit og át. Eyddum jólunum fyrir norðan og áramótunum fyrir sunnan.
Jæja þá er þessari upptalningu lokið í bili. Ég er að læra núna þarf að taka síðasta og eina prófið sem ég á eftir til að geta útskrifast á þriðjudaginn...best að læra!

jæja komin heim í heiðadalin á nýjan leik eftir mikla og góða afslöppun í höfuðstað norðurlands Akureyri. Ég afrekaði svo sem ekkert stórkostlegt þar en þetta var mjög kærkomin slökun. Það tók okkur um 6 tíma að keyra norður og aðra sex að keyra heim ferlega lélegt færi og nb ekki var stoppað að ráði.
Við fórum áðan á Stúdermanner myndina "Í takt við tíman" nokkuð góð sértaklega fer Dúddi á kostum. Mæli með henni lífgar uppá skammdegið :)
Áramótin eru framundan, mikil skipulaggning framunan í að velja heppilega flugelga nei elda til að skjóta og svo hvað maður eigi að gera um kvöldið þar sem kvöldið mun byrja í efri byggðum Kópavogs...spurning það er nefnilega svoleiðis að ég hef aldrei þurft að hafa áhyggjur af þessu yfirleitt fer maður bara í næsta hús í partý...kannski maður ætti bara að banka uppá hjá næsta manni...humm...spáum í því!

Gleðileg jól!

Ég er staddur í vellystingum á Akureyri í miklum snjóbil. Hef það fínt og vona að þið hafið það einnig. Kem aftur heim 28. des.

úff þunnur...það var stúdentsveisla í gær - Gísli bróðir var að útskrifast og mikilveisla haldinn í Logasölum hjá Mömmu og Pabba. Heppanaðist bara nokkuð vel og nýja húsið stóðst þessa miklu raun. En verra með mig þar sem ég þurfti að vakna í morgun og mæta á Svansæfingu. úff...en þetta er allt að koma. Ég er að fara að spila á eftir fyrir utan Pennan-Eymundsson í Austurstræti í tvisvar sinnu 30 mín. Ætti bara að verða nokkuð gaman held ég. En hvernig sem því líður að þá þarf ég að fara að taka mig til...og jú það eru litlu jólin hjá smá skátaklíkunni í kvöld...eitthvað er mætingin samt léleg en jæja!

skildi það vera jóla hjól...við fórum í gær og fjárfestum í prentara, Canon iP3000 sem prentar á myndir, báðumeginn og alles. Frábær græja! ég er búinn að eyða smá tíma í að fikta og hef sannfærst um að þetta voru góð kaup.

jibbý...jón er kominn með netið heima...eftir sex mánaða harða baráttu er það loksins komið í gegn :-) Tja eftir að ég fór að vinna í því tók það ekki nema ca. viku. En það minnir mig reyndar á eitt! ég þarf að uppfæra vírusvörnina. Best að vinda sér í það mál.
Annars er það helst í fréttum að ég hef tekið því rólega síðustu vikur, unnið til fimm og farið að klifra tvisvar í viku í klifurhúsinu. Þarf reyndar að vinna í dag frá tvö til sex.

Furðuleg umræða síðustu daga í fjölmiðlum. Mér finnst það sérkennilegt þegar landsmenn fara fetta fingur út í það að tónlistarmenn er að taka laun fyrir að vinna vinnuna sína. Ég sæi það í anda að vörubílstjórar færu að gefa vinnu sína svo hægt væri að afla fjár uppá margar miljónir. Mér finnst að það eigi að borga fólki mannsæmandi laun fyrir að vinna vinnuna sína og ekki hægt að ætlast til þess að sama þjóðfélagshópurinn sé sífellt að vinna frítt.

En annars er kominn nýr mánuður, vaknaði upp við þennan vonda draum í gær. Síðasti mánuður ársins, skrítið og það sem er skrítnara í þessu er að þetta er í fyrsta skipti í langan tíma sem ég er ekki í prófum. Ég ætla að nýta mér þetta til hins ítrasta og njóta lífsins. Á morgun verður farið í klifurhúsið að príla, á laugardaginn er komið að mánaðarlegum Wiskey klúbbnum og sunnudaginn að njóta lífsins :-)

Þá er aðventan hafin og styttist í jólin! Ég átti rólegheita helgi, fór á tónleika á laugardaginn hjá Lúðrasveit Hafnarfjarðar og var viðstaddur þegar dreifing friðarlogans hófst í gær í kaþólskirkjunni í Hafnarfirði. Ég og Finnur kíktum á Grand Rokk á laugardaginn og tókum í Kotru, frábært spil.
Afrek helgarinnar urðu ekki öllu meiri!

Síðasta helgi var frábær! Ég fór til Noregs á norrænan skátafund í skátamiðstöðinni Ingelsrud. Það var ekki nema 10 stiga frost en mjög stillt of fallegt verður. Eftir helgina var haldið til Drammen þar sem ég hitti Ingó bróðir minn og fjölskyldu. Á mánudeginum var haldið inní Osló þar sem ég hitti Jostein og nokkra aðra norsara. Jostein er með mér í IMWe team og við gátum spjallað um það fullt annað. Ég hætti svo við að fara heim og fékk gistingu í osló um nóttina. Daginn eftir var haldið í miðbæinn og skoðað í búðir. Fann reyndar ekki skátakontorinn eins og ég hafði ætlað mér en skiptir ekki öllu. Ingó kom svo og sótti mig og keyrði mig út á völl.
Framundan er helgi á nýjan leik. Ég geri ráð fyrir að fara í fjallgöngu á morgun og þarf að mæta í kaþólska messu á sunnudag. Annars er helgin lítið plönuð...

Það er komin helgi! Hæhó og jibbý jey! Það urðu aldeilis straumhvörf í vikunni - ég er á leiðinni til Noregs eftir viku á fund og að heimsækja Ingó bróðir. Mér bauðst að fara eftir að einn datt út og ákvað að grípa þetta tækifæri, enda hef ég ekki heimsótt hann bróðir minn síðan ég vann hjá honum '97 - spáið í því.
En þessa helgi ætla ég að nýta til hins ýtrasta og ef veður leyfir verður haldið í fjallgöngu.

Svei mér þá ef þetta er ekki búinn að vera strembin vika. Á mánudaginn var svansæfing sem gekk bara mjög vel, á þriðjudaginn var 92 afmæli skátastarfs á íslandi og við opnuðum nýjan skátavef og héldum félagsforingjafund, í gær fór ég á námskeið um hvernig sækja eigi um styrki og um kvöldið var SíL fundur og í dag hitti ég fólk út af námskeiði sem við erum að skipuleggja með Alþjóðahúsi og í kvöld er málþing um dróttskátastarf. Þetta allt er fyrir utan það sem ég á að vera að gera í vinnunni...eða svona með því. púff...

Framundan er fríhelgi sem ég ætla að nota til góðra hluta, m.a. hitta Wiskey klúbbinn

Üpp er runninn nýr mánuður, spáíð í því það er kominn nóvember. Það styttist í jólinn og nýtt ár. Svei mér þá! Það hefur heilmikið verið að gerast síðustu vikur hjá mér, sumir myndu segja of mikið. Um þar síðustu helgi fór ég á dróttskátamótið SAMAN á Gufuskálum, þvílík snild, og um síðustu helgi fór ég á Úlfljótsvatn og var með Sveitarforingjanámskeið. Framundan er langþráð FRÍ - sem ég ætla að nota til góðra hluta. En það er best að snúa sér að vinnunni núna!

miðvikudagur mið vika 20 október...forvitnilegt! Ég er búinn að jafna mig eftir þrekraun helgarinnar - var reyndar fljótur að því. Ég er á fullu að undirbúa næsta áfanga sem er ferða á dróttskátamótið SAMAN á Gufuskálum um helgina. En maður verður sér ekki út um mikið úthald að sitja við tölvuna allan daginn, éta majones og drekka kók. Þetta er allt saman til batnaðar eins og maðurinn sagði. Ég er víst á leiðina í ræktina í næstu viku með Jóni Grétari, ég gerði díl við hann að ef ég mætti í sund alla daga þessarar viku að þá þyrfti ég ekki að fara í ræktina í næstu viku - ég þarf víst að fara í ræktina...

Skrapp í fjallgöngu áðan á Helgafellið með Gísla bróðir. Stoppuðum í fjallakofanum áður og ég keypti nýja gönguskó enda veitir ekki af fyrir fjallgögnurnar sem eru framundan. Stíft æfingarferli er nú hafið fyrir næsta sumar þegar stefnan er tekin á Laugarveginn á milli Landmannalauga og Þórsmerkur. Í næsta mánuði verður haldið á Esjuna eða Keili veltur á veðri og öðrum aðstæðum. Jæja best að fara að þrífa af sér skítalyktina...

það er svo skrítið að það er komin helgi en á ný! eftir nokkrar mjög strembnar vikur er komin fríhelgi - spáið í því! Ég veit ekki almennilega hvað ég eigi að gera af mér - ætli ég skelli mér ekki bara í fjallgöngu á morgun ef veðrið er gott.

ég fór á snildar tónleika í gær með Beefólk. Helgi Hrafn á básúnu ásamt nokkrum austurríkismönnum. Þeir voru betri en ég þorði að vona, frábært að sjá samsetninguna og frumleikan í bandinu. Hlakkar til að heyra meira frá þeim. Einnig spilaði Wolfgang nokkur á gítar algjör snillingur.
Fór á októberfest á föstudaginn í tjaldi við Háskólan. Það var stappað í tjaldinu og svaka stemming! einnig fór ég á jazzband Eyjólfs sem var ágætt hefði samt kosið að halda áfram í tjaldinu.
Á laugardaginn var farið á stofnfund sambands íslenskra æskulýðsfélaga og aðalfund SÍL. Nokkuð gott allt saman. Um kvöldið hittist Wiskey klúbburinn öðru sinni og svo var haldið í Svanspartý og sungið í singstar, buxur fuku og brjóstahaldarar brendir....segi ekki meir...
Góð helgi, nokkuð strembinn þó!

startaði jazzhátíð í gær með glæsibrag - ég matti og finnur fórum á Kaffi Reykjavík að tvenna tónleika, sá fyrri var með Cold Front sem Björn Thor. leiðir, fanta góðir og seinni með Atlanthafsbandalaginu sem voru einnig mjög góður, svolítið fyndið að bassaleikarinn samdi nokkur lög sem báru heitin, n og p og t hann er sem sagt að vinna sig niður eftir stafrófinu :-) Sem sagt ótrúlega gott kvöld og hlakka til að fara á tónleika á föstudagskvöldið!

úti er rigning og rok...það er gott að vera inni :-) Jazzhátíð er sett í kvöld :-) og ég er að fara á fullt af tónleikum :-)

Jazzhátíð byrjar í dag og stendur fram á sunnnudagskvöld. Ég er ákveðinn í að fara á tónleika í kvöld, á föstudag og sunnudagskvöld á Broadway. Þessi Jazzhátíð er snildarframtak og ég hvet fólk til að kynna sér dagskrána á www.reykjavikjazz.com

Á föstudaginn verður haldið októberfest í tjaldi einhverstaðar við Hí. Þeir eru búnir að flytja inn Agustiner bjór frá Munchen...ég held að ég kíki þangað á undan jazzinum...októberfest er einhver sú mesta snild sem til er...ég þangað...

Annars er þessi færsla hjá mér afskaplega samhengislaus...ówell svona er þetta bara í...

í grámyglunni er stundum gott að sjá ljósið! í næstu viku hefst Jazzhátíð í Reykjavík og ég er búinn að kaupa miða á tónleika á föstudagskvöldið og sunnudagskvöldið. Bara snilld!
En meira af grámyglunni sem ásækir okkur þessa dagana, út er rigning - maður veit ekki hvort það sé heitt eða kallt eða bara yfir höfuð hvað er í gangi. svei mér þá! En það er svo sem ekkert slæmt við þetta í sjálfum sér, svona er þetta bara.
Hversu mikið á maður að vellta sér annars uppúr hversdagsleikanum? Yrði maður ekki bara geðveikur á því? sennilega...brostu fram í heiminn og hann brosir framan í þig...piff ekki veit ég hvaða snillingur fann þetta upp!
Ég er að spá i að fara á stórsveitartónleikana í kvöld - humm vonandi verð ég búinn að fundi í tíma...Jæja nóg komið að bulli...

góðri helgi lokið! Fór austur á Úlfljótsvatn á laugardaginn og fundaði stíft með Fræðsluráði BÍS, gekk vonum framar og við fengum frábæran mat. Á sunndudaginn var farið á námstefnu vegna Vest Norden námskeiðs sem ég skipulagði og kvöldið endaði á Fjörukránni með vestnorden liðinu í Víkinga máltíð.
Framundan er nokkuð stíf vika með miklum fundahöldum. Ég næ vonandi eitthvað kíkja heim til mín, þetta gengur ekki. Á föstudaginn er Endurskoðun hjá Svaninum sem er ágætis viðburður og helgin er svo framundan aftur...jej

helgin er að renna upp, súr og fögur. Það er ekkert sérlega spennandi spá held ég þannig að ég ætla að taka því rólega í kvöld og fram eftir degi á morgun. Seinnipartin verður haldið á Úlfljótsvatn á smá fundarhöld. Annars er ég búin að láta myndirnar mínar frá því í Bad-Orb inná þessa síðu.

hvernig er þetta eiginlega...þriðjungur þeirra sem fóru til Bad-Orb liggja veikir heima. Svei mér þá. Vissulega var vessum dreyft þannig að kannski er þetta ekkert skrítið! Ég er búin að vera frekar slappur síðustu tvo daga en ekki getað leyft mér það að leggjast í bælið, það er nóg að gera í vinnunni. En ég þarf víst að fara að drífa mig uppí Vindáshlíð svo ég komist nú einhverntíman heim í kvöld...bis dan...

Komin heim frá Þýskalandi. Þetta var bara snild...við komum út á fimmtudegi, flugið gekk að óskum nema að ein taska rifnaði og engir simbalar fundust! Hófst þá mikil leit og um síðir fundust þeir á íslandi. Á fimmtudagskvöldið var spilað á stað sem bruggar sinn eigin bjór og framreiðir snildar snitzel.
Föstudagurinn rann um hreinn og fagur! Fórum í náttúrulega laug og spiluðum. Þar hittum við fyrst Króatana sem áttu eftir að koma mikið við sögu síðar í ferðinni. Eftir góðan sundsprett var haldið í Pizzaveislu og þar komu einnig Elfa, Reynir og Rúnar stjórnandi við mikin fögnuð. Um kvöldið var haldið í tjaldið og borðað - þá komu Sævar, íris, Fjalar og Freysi. Freysi kom alla leiðinna frá Bandaríkjunum og var hvað óvæntasti meðlimur svansins um helgina. Þá kom röðin að okkur að ganga uppá svið. Við spiluðum Öxar við ána og El cumbacero uppá sviði. Lýðurinn æstist svo mikið að það var öskrað "meira, meira meira á þýsku". Ekki smá gaman að þessu æðislegt "Kikk".
Laugardagurinn var frekar þunnur! Spiluðum kl. 11 á solplatz og fengum svo pásu. Kl. 16 voru tónleikar í Konzerthalle og ég hélt eftir þá í cokteilboð hjá borgarstjóranum, frekar aumt boð. Um kvöldið voru rosatónleikar með concertina, frábært gamalt rokk popp band. Ella Vala mætti í sínu fínasta pússi og tók þátt í fjörinu með okkur.
Sunnudagurinn var frekar hress, spiluðum í konserthalle um morguninn og svo í stjörnu og göngu eftir hádegi. Dagurinn endaði með spilamennsku á gömlu brautarstöðinni þar sem við slógum en og aftur í gegn. Eftir spilamennskuna var borðað og drukkið, gáfum gjafir og þökkuðum vel fyrir okkur. Eftir það hélt hluti af hópnum á annan stað þar sem fyrir var pólska sveitin og einhverjir þjóðverjar! Einn þjóðverjinn bað okkur um að spila og hann sagðist þá borga bjórinn...sem við að sjálfsögðu þáðum. Tær snild Rúnar og Finnur spiluðu í tvo klukkutíma mikið stuð.
Aftur að tveim árum liðnum held ég að hafi verið samhljómur í restina...frábær ferð! Takk allir sem komu og gerðu þetta að þessari snild.

þá er komið að því! Á morgun held ég af stað ásamt Svönsurum til Bad-Orb í Þýskalandi á lúðrasveitarmót, kem heim á mánudag. Aldeilis fjörug vika síðan síðasta færsla var skrifuð...fór á laugardaginn á 10 ára endurfundi úr Snælandsskóla, mikið fjör með tecila boðhlaupi uppistandi og myndasýningu. En spáið í því hvað maður er gamall 10 ár frá því maður var í grunnskóla úff! En síðan tók við lestur fór í próf á mánudag og þriðjudag aftur í vinnuna í dag og á morgun sem sagt farinn til Þýskalands í sólina :-)

Mikið er hef ég verið lélegur að setja inn hér einhverja þankaganga síðustu vikur, en á því eru svo sem ýmsar skýringar. Ætli maður fari ekki að bæta sig í þessu! Það má eiginlega segja að síðan ég kom úr sumarfríi hafi verið nóg um að vera í vinnunni enda starfið allt að komast á fullan skrið auk þess sem maður var á fullu í menningarnótt og undirbúa utanlandsferð með Svaninum. Já svanurinn fer efnir nákvæmlega viku til Bad-Orb í þýskalandi á festival...verður mikið stuð. En jæja hættur í bili og farinn heim enda komin tími til.

helgin var mögnuð...öndin spilaði á Kaffi Vín sem fyrr við mikin fögnuð, farið var í göngu og spilað þar til við vorum stoppaðir af um fjögur leytið. Ég setti eitthvað af myndum á myndasíðun en klára þetta á eftir vonandi.

jæjajæjajæja...Jón er komin heim. Það biðu mín að sjálfsögðu staflarnir af verkefnum strax við lendingu en það hefur gengið ótrúlega hratt á búnkan, enda undirbjó ég þetta vel áður en ég fór í frí. Í síðustu viku var ég á Úlfljótsvatni að stjórna flokksforingjanámskeiði - stök snild, frábært veður og vel heppnað í alla staði. Einnig þreytti ég frumraun mína í að leiðbeina á Gilwell sem tókst með ágætum og tók á móti 40 bretum. Sem sagt maður er komin í gírinn enda búin að hlaða batteríin vel.
Ferðin var snild og við áttum yndislega mánuð saman ég og Álfheiður flakkandi um Evrópu. Ég vona að myndirnar fari að komast á netið þannig að það sé hægt að sjá snildina. Ferðasagan er á interrail síðunni okkar.
MENNINGARNÓTT er framundan. Dixiebandið Öndin verður á Kaffi Vín eins og áður að skemmta landanum fram undir morgun. Talið verður í um kl. 22 svo mætið tímanlega.

Umferðateppa...spáið í þessu ég lenti í umferðateppu á íslandi! En það var svo sem ekki alvarlegt þó maður sé klukkutíma lengur á leiðinni heim að norðan heldur en venjulega. Allt gekk þetta á endanum og ökumenn tiltölulega þægilegir í umgegni.
INTERRAIL 2004 hefst á morgun þegar við stígum uppí flugvél og höldum á vit ævintýrana. Flogið verður til Hamborgar og þaðan haldið niður þýskalands. Dagbók ferðarinnar verður færð samviskusamlega á interrail.blogspot.com og jafnvel eitthvað á þessa síðu.

nú fór ég laglega að ráði mínu...rauk norður í land í brúðkaup og skyldi jakkafötin eftir heima. En að tilstuðlan bróður míns að þá eru þau að koma fljúgandi norður í land í þessum töluðum orðum svo ég ætti að geta klætt mig almennilega í veislunni á eftir.
Ég er nú ekki alltaf mannglöggur, maður hittir marga og stundum slær úti fyrir mér - ótrúlegt en satt! Ég var í mínum mestu magindum að þrífa drossíuna mína á shellplaninu þegar maðurinn við hliðina á mér nb. sem var að þrífa rúta gargar á mig "hvað er þú að gera á norðurlandi" ég hrekk við og lít á manninn - humm hver skildi þetta vera??? þá segir hann "þekkirðu mig ekki" úff sviti jú loksins átta ég mig á því hann hafði verið í tjaldbúðarstjórn á landsmótinu 2002. Svona er þetta þrátt fyrir góðan ásettning að þá tekur stundum smá stund fyrir fattarann að fara í gang.
En jæja best að fara að ná í fötin út á flugvöll!

vikan hálfnuð og fólk farið að sætta sig við niðurstöðu síðustu helgar þá kemur eins og hvellur niðurstaða nefndar um þjóðaratkvæðagreiðsluna! Í fyrstalagi skil ég ekki afhverju forsetinn skrifaði ekki undir þessi lög en það er víst búið að ræða það nóg en þessar vangaveltur um atkvæðagreiðsluna skil ég enganvegin. Ég get ekki séð að það sé óréttlátt að setja einhverja takmörkun varðandi þessa atkvæðagreiðslu t.d. um lágmarksþátttöku.
En af öðrum og skemmtilegri málum að þá eru einungis 6 dagar í interrailferðina. Við erum að verða búin að skipuleggja allt og ekkert annað að gera en að pakka í tösku og halda á vit ævintýrana :o)

Tækifærissinninn Hr. Ólafur Ragnar Grímsson hefur verið kosinn forseti íslands þriðja kjörtímabilið (og vonandi það síðasta). Þetta kom svo sem ekki á óvart en það sem kom mér á óvart afhverju enginn boðlegur gat boðið sig fram á móti honum. Það er hægt að segja að þetta er engin glæsikosining fyrir Ólaf Rangar. Einungis 62,5% drattast á kjörstað, 20% skila auðu og um 10% kjósa aðra frambjóðendur. Segjum sem svo að það hefði verið hefðbundin kjörsókn (um 85%) og flestir þeirra hefðu kosið annan frambjóðanda ásamt auðuseðlunum að þá hefði verið auðvelt að velta honum úr sessi. En svona er þetta við kjósum yfir okkur mann sem hefur ekkert að gera á Bessastöðum. En afhverju kalla ég hann tækifærissinna? nú jú ég held ég geti fullyrt það að hann hefði ekki beitt neitunarvaldinu á fjölmiðlafrumvarpið hefði hann átt í einhverri kosningabaráttu! Ólaf Ragnar kýs ég aldrei og skal það hér með skráð...Já og svo er það svo fyndið að hann vogar sér að kenna mogganum um sýnar ófarir - hey common - vissulega var þetta stórfrétt að skoðanakannanir hafa sýnt fram á það að um fjórðungur myndi skila auðu auðvitað er þetta efni sem á heima á forsíðu. Fólk ætti frekar að líta í eigin barm í stað þess að benta út í loftið...

þá er sumarið búið - í nótt gránaði í fjöllum og hittinn fór niður úr öllu valdi. Eins gott að maður er að fara af stað í Evrópureysu eftir réttar tvær vikur. Já það styttist óðum í ferðina í gær fórum við og keyptum interrail miðana kostaði litlar 100600 kr þannig að heildarferðakostnaður er um 145 þús. Ég held að það sé ágætlega vel sloppið. Við erum að mixa ferðina en það sem er ákveðið só far er að fljúga til Hamborgar og gista þar fyrstu nóttina fara síðan eitthvað og koma til Stuttgart þar sem við dveljum hjá þeim heiðurshjónum Írisi og Sævari. Þar verður dvalið fram á sunnudag og farið til Kandersteg í Sviss. Meira er nú ekki fast ákveðið en ég geri ráð fyrir að þaðan verði farið til Ítalí og svo slóveníu...kemur í ljós.
Helgi er framundan - við erum á leiðinni norður í höfurstað norðurlands Akureyri. Þar fara fram æfingar fyrir brúðkaupið hjá bróður Álfheiðar og afslöppun.

þá er nú komið að skirfum á sólríkasta degi ársins! Ég er búinn að fara til London og vera veikur, fór í brúðkaup og útskriftaveislur og skírn. Spilaði í skrúðgöngu og lagðist aftur veikur.
En sólin skín og ég er á leiðinni á Úlfljótsvatn...gott að geta slakað á í sólinni...ef maður fær þá að slaka á...

upp er runninn föstudagur...ákaflega skýr og fagur...ef ég ætti úti kindur þá myndi ég fara til útlanda...tralla tralla útlandi! Úmbarassa úmbarrassa...
Ég er á leiðinni til London í frí...að mestu. Að sjálfsögðu tóks mér að klúðra fríinu að hluta en ég fer á fund allan morgun daginn í Gilwell Park út af Eurojam, en það ætti nú samt að vera nokkuð áhugavert. Álfheiður tók það hátíðlega loforð af mér í gær að ég myndi ekki versla neitt dót - aldrei má maður neitt. En annars held ég að listisemdir London verði kannaðar þó ég stefni ekki á að slá met Jóns Arnar í þeirri borg síðan '97.
Já það eru komnar myndir frá síðustu helgi inná myndasíðuna mína.

kominn heim frá útlandinu og fer eftir tvo daga aftur og í þetta sinn til London. Ég mun fara með starfsfólkinu á skrifstofunni þetta er reyndar engin frí ferð þar sem ég fer í Gilwell park á fund á laugardaginn út af EuroJam.
En annars var þýskalandsferðin mjög góð! Ég kom út á miðvikudegi og Christoph pikkaði mig upp, þeir C+C hýstu mig og gáfu mér að eta og ég notaði daginn til að klára ókláruð verkefni. Um helgina var svo fundað um IMWe og kannað hvort Keiler væri í lagi, sem hann var.
Ég fjárfesti í nýrri myndavél af Samsung gerð, ágætis gripur. Set linkinn á myndirnar hér þegar ég hef komist í að setja þær inn...

Ótrúlegt! Vinnuvikan byrjaði í dag og endaði hjá mér - á morgun um þetta leytið verð ég í Þýskalandi hjá Christof og Christoph að eta steik og dreka bjór, ekki slæmt það!
Það er skemst frá því að segja að ég gerði mest lítið um helgina. Át og drakk í veislu hjá Hemma, setti upp eitt tjald og glápti á imbann. En ætli ég fari ekki að koma mér heim maður þarf víst að fara af stað um hálf fimm til að fá frítt í rútuna...sveim mér þá...Reynir þú verður að fara að passa þig ég er alvega að ná þessu...

það er kominn föstudagur spáði í þessu! Vinnuvikan búinn og löng helgi framundan. Ég þarf reyndar að vinna á mánudaginn en jæja so be it...Annar merkilegur áfangi líka mánuðurinn er á enda, hann var skrýtin með meiralagi þessi mánuður. Bland af mikilli vinnu og lestri humm skrýtið. Júní verður hinsvegar mjög skemmtilegur samspil af vinnu, ferðalögum og spilamennskum.

Þýskaland - þá er það farið að skýrast varðandi Þýskalandsferðina mína í næstu viku. Ég fer út á miðvikudaginn og Christof og Christoph taka á móti mér. Ég gisti hjá þeim í tvær nætur og fer yfir planið fyrir bad-orb í haust. Þar næst verður haldið á IMWe fund í Rieneck og heim aftur á sunnudegi. GEGGJAÐ dæmi...

búinn...þá er skólagöngu minni vonandi lokið í bili en henni líkur sennilega aldrei að fullu. Allavega er það ljóst að það er komið hlé. Framundan er vinna og aftur vinna.

fyrri helmingur afstaðinn og sá seinni að koma...sem sagt ég er einu skrefi nær því að útskirfast og það klárast á morgunn. Ég hef enga trú á öðru (7,9,13).
Hvað sem því líður að þá er komið sumar og ég laus við þennan skóla á morgunn get einbeitt mér 130% að vinnu og ferðast til útlanda. Hvítasunnuhelgin er framundan sem er LÖNG helgi. Ég mæti nú örugglega samt í vinnu á mándaginn til að bæta upp fyrir vinnusvik þessarar viku og einnig reyna að vinna í haginn fyrir næstu viku þar sem ég fer út á miðvikudaginn.
En það er best að fara að lesa til að ná þessu á morgunn...

í dag er sunnudagur ég er inni að læra...sluksinn jón...úti var sól ekki núna sem betur fer. Hvað er þetta með sunnudaga, þegar þessi dagur rennur upp fer maður í einhvern ákveðinn gír. Heilinn hættir að fúnkera og maður dormar bara eins og tja ja kannski ég láti það vera að útskýra það (gæti valdið misskilningi). Á morgun er mánudagur og þá vakna heilasellurnar vonandi aftur til lífs, þær geta ekki allar verið dauðar.
Annars var ég að velta því fyrir mér að allt í einu er komið sumar. Veturinn veturinn var á margan hátt sérstakur, tók þátt í leikhússtarfi, kláraði skólann að mestu, byrjaði að vinna 230 % vinnu, tók þátt í Evrópuþingi. Árið er rétt hálfnað og maður búinn að þessu öllu. Sem betur fer verður sumararið ekkert síðra.
Jæja ætli maður hætti ekki þessu ekki og snúi sér að skemmtiatriðunum...

mikið hef ég nú verið lélegur bloggari undanfarið, enda nóg að gera. Ég kláraði prófin á föstudag en það vildi ekki betur til en að ég þarf að taka þau aftur á þriðjudag og miðvikudag í næstu viku svo að þessi helgi fer fyrir lítið...heim að lesa. Síðan kemur langþráð fríhelgi um Hvítasunnuhelgina. Helgina eftir eða á miðvikudeginum eftir verður haldið í langferð til Þýskalands á IMWe fund heim aftur 6. júní og út til London þann 11. Heim aftur þann 14. júní. Síðan tekur við Brúðkaup hjá Jóni Grétari og Báru og Landsmót Lúðrasveita um sömu helgi, erfitt að vera á tveim stöðum í einu!
Þetta er júní í grófum dráttum.

og hvað svo...

lesa lesa lesa lesa...lesa lesa lesa! Ég hef lítið gert annað. Jú horfði aðeins á júróvision áðan ágætis skemmtun að hlægja að lélögum lögum. Forvitnilegt að sjá að sömu löndin senda alltaf ellipoppara eða ég veit ekki hvað í keppnina.
En ég er sem sagt að lesa fer í próf á föstudagsmorgun og er svo back in buisness...

ÞAÐ stendur ekki á mér! Sólin skín og allt í fúll swingi. Ég er farinn heim að lesa. Próf á laugardaginn og á föstudaginn í næstu viku og þá verð ég frjáls...

Vikan líður sveimér hratt! Strax lokið. Frágangi eftir Evrópuráðstefnu skáta er að mestu lokið og við taka önnur verkefni enda fjölmörg sem hafa beðið. Maður hefur eiginlega verið í lausu lofti ekki vitað hvar maður eigi að byrja. Engin sérstök pressa og sumarið frekar laust í reypum. En maður er farinn að huga að næsta vetri og undirbúa starfið fyrir hann.
Gaman að ræða sumarið samt! Framundan er fjöldin allur að utanlandsferðum hjá mér. Í byrjun júní er IMWe fundur og ég fer út 2. júní og kem heim þann 6. næsta ferð er 6. júlí - 3. ágúst en þá munum við skötuhjúin gera víðreisn um Evrópu. Þriðja utanlandsferðin er síðan ferð á lúðrasveitamót í bad orb 9.-13. sept. og svo fer ég væntanlega á námskeið í Brussel í okt. Ég held einhvernveginn að ég verði kominn með nóg þá.
Nóg um ferðaplön...best að klára að undirbúa fundinn sem ég er að fara á...

Back again after the conf...Afsakið enskan hefur verið mitt fyrsta tungumál síðustu dagana en þetta er allt að lagast. Nokkuð ánægður með árangurinn okkur tókst að komast klakklaust í gegnum ráðstefnuna og heim fóru 400 ánægðir útlendingar. Þetta er þvílíkur skóli sem maður fékk þarna á einu bretti.
Ég er svona smátt og smáttt að ná áttum eftir þessa törn og horfa yfir verkefninn sem hafa beðið meðan þessi ráðstefna var í gangi. Markmiðið er að hreinsa borðið í vikunni og fara að læra fyrir próf í næstu...veitir ekki af.

GRASEKKILL...Álfheiður fór norður yfir páskana og Jón situr einn heima og þarf að vinna alla páskana, með hálsbólgu. Hafið þið heyrt annað eins. Annars verður fjör! Skrýtið að mæta í vinnu á föstudaginn langa, ég held að ég geti fullyrt það að ég hef aldrei á minni lífslöngu æfi eytt þessu degi í vinnu áður. En maður kemur miklu í verk lítið um símatruflanir og þess háttar þar sem allir eru í fríi.
Á morgun ætlum við félagarnir að snúa bökum saman og grilla heima hjá geira túttu. Ætti að verða fjör og góðar umræður. Jæja dagurinn er orðinn langur best að koma sér heim á leið.

Sunnudagsmorgun, jón nokkuð hress mættur til vinnu. Á föstudaginn var hin árlega árshátíð Svansins haldinn með miklu stuði að venju. Mér tókst nú að komast skammarlaust frá henni held ég, fólk var eitthvað rólegra í ár heldur en í fyrra. Í gær var ég í leikhúsinu. Við þurftum að koma nýjum trommara inní sýninguna, þar sem að Elli trommari slasaði sig. Ótrúlegt en satt að þá gekk þetta upp þrátt fyrir að trommarinn hefði einungis séð eina sýnginu og fengið tilsögn um hvar og hvernær hlutirnir gerðust. Eins einusinni var sagt ÓTRÚLEGT.
Jæjæ best að hætta blaðrinu og snúa sér að vinnunni. Þarf að vinna upp eitthvað sem ég sleppti í gær. og svo ferming á eftir.

sit hér á skrifstofinni minni og er að klára langan og strembinn vinnudag! Dagurinn hefur verið strembinn en nokkuð góður, tókst að koma nokkuð miklu í verk þó ég segi sjálfur frá. Framundan er vinnujamleikhúshelgi! Ég geri ráð fyrir að þurfa að vinna allahelgina, á morgun er árshátíð Svansins, laugardaginn sýning og á sunnudaginn ferming. Það er sem sagt nóg að gera eins og það á að vera. jæja best að fara að hætta þessari vitleysu...

Ég sat stórskemmtilega námstefnu í gær - þínar ákvarðanir þinn árangur - marg hafði ég heyrt áður en marg nýtt líka. Ég ætla nú ekkert að fara nánar út í þessa sálma hér.
Netið er að komast í gang - við erum búinn að fá samþykki frá RHÍ veldinu þannig að það hlítur að ganga í kvöld. Jæja best að fara að gera sig kláran fyrir leikhúsið í kvöld...

Ný björt vika er nú hálfnuð án þess að jón hafi lagt sitt mál á vogaskálarnar. Um helgina var magnþrungið skátaþing og á mánudag og þriðjudag var ég fram á kvöld að vinna í skátablaðinu. Já ritstjórinn Jón stígur fram á ritvöllinn og gefur út sitt annað skátablað. Að þessu sinni er um að ræða 24 síðan blað. Vonum það besta :-)
Þráðlausa netið er ekki en komið í gang. Ég er kominn með búnaðinn en hef ekki haft tíma til að mixa dæmið þannig að þetta virki. Klára það í kvöld.
Á morgun er ég að fara á námstefnu á vegum sau og thí. Mjög spenntur það er að koma fyrirlesarar frá Bandaríkjunum og m.a. Keller sem samdi bókina stratetic brand management. MJÖG góð bók og en betri fyrirlesari...vonandi. jæja best að undirbúa sig fyrir fund sem hefst eftir hálftíma...

Það styttist óðum í skátaþing 2004, þar sem kosið er í helstu embætti skátahreyfingarinnar. Þar sem það styttist í þingið að þá er eðlilega allt vitlaust að gera, klára skýrslur og undirbúa þingið. Þetta fer að minna á skóladaga þegar maður var á fullu frá morgni til kvölds, mínus viðkomurnar í kaffipásum. Tja jú við fáum einhverjar en ekki eins og í skólanum. Ég segi allavega eitt að ég verð þess fegnastur þegar næsta helgi er afstaðin og maður getur farið að snúa sér að öðrum málum.
Við pöntuðum um daginn þráðlaust net hjá Ogvodafone með tengingu í gegnum Hí netið sem þyðir að við borgum 2500 kall á mánuði og ótakmarkað gagnamagn og 1mb tengingu. nokkuð gott nema að ég er ekki enþá búinn að fá búnaðinn sem átti að vera til á föstudaginn, mánudaginn, þriðjudaginn...kannski á morgun. Ég er enþá temmilega þolinmóður en sú þolinmæði endist ekki mikið lengur.

Sodavatnsglas...það er ekki til...bjór...það er ekki til...hvað áttu þá..svona byrjar þetta víst. Hitt hljómaði bara miklu betur enda skiptir þetta engu máli.
ég er svolítið þreyttur...þurfti að mæta á fund kl. 8 í morgun í Hallgrímskirkju. En ég fékk að skoða turninn í fyrsta skiptið...nánar síðar

Skrýtin saga gerðist hér við rætur patríentafjallsins...svona byrjar hið frábæra leikrit Meistarinn og Margarríta. Ef þú átt eftir að sjá það að þá eru einungis eftir 5 sýningar. Kíktu á www.hhh.is og pantaðu miða!
Ég er búin að vera í dag að leiðrétta árskýslu BÍS en hún á að fara í prentun á mánudag. Vika í fjörugt skátaþing.
Jæja ætli þetta sé ekki að verða gott í dag.

EIN skemmtisaga! Það heyrðist af dreng...sem er "bróðir"...fór í hús í Hafnarfirði og bankar (bank bank) og enginn kemur til dyra. Hann tekur þá upp símann og hringir í viðkomandi og hann segist vera heima og segir honum að koma inn. Eftir smá stund ferð "viðkomandi" að lengja eftir "bróður" og fer út að kanna hvort hann sé á staðnum. jú bíllinn er þarna en enginn "bróðir" ef smá stund sér hann hvar "bróðir" kemur út úr næsta húsi....

LANGUR dagur á enda runninn! Ég er búinn að taka þrjá langa og stranga fundi í dag og er nú að aðstoða við að klára gögn fyrir skátaþing. Skátaþingið verður einmitt um aðra helgi og það verður nóg að gera fram að því. Þegar því líkur tekur svo strangur undirbúningur fyrir Evrópuþingið í apríl.
HELGIN var nokkuð róleg. Á föstudaginn féll niður sýning þannig að við áttum notarlega kvöldstund heima. Ég fór í vinnuna á laugardaginn og um kvöldið kíkti ég á jazztónleika á kaffi list, hitti þar finn og fjalar. Nokkuð gott. Á sunnudaginn var haldið í brjáluðu veðri austur fyrir fjall á Gilwell námskeið.
ÉG er orðin það þreyttur og lúinn núna að ég hef í sjálfum sér ekkert að segja. Morgundagurinn verður svipaður og þessi en samt styttir vonandi.
EITT gleymdist að segja frá...við skötuhjúin bókuðum flug til Hamborgar á laugardaginn. Farið verður út 6. júlí og komið heim 3. ágúst. Við ætlum að þvælast um Þýskaland, Sviss, Ítalíu, Slóveníu, Tékkland, Slóvakíu, Ungverjaland og Póland. Meira er ekki planað í bili. Við treystum á að fá gistingu hjá vinum og kunningum í flestum þessara landa...kemur í ljós síðar.

það er kominn föstudagur og ég hef ekkert skrifað síðan á þriðjudag...sveiattan jón! EN sá óvænti atburður átti sér stað að MM sýningin í kvöld féll niður og ég átti að spila. Hvað á jón að gera af sér þá? Sýningin í gær gekk mjög vel og það voru planaðar sex sýningar til viðbótar. Spurning hvað verður.
Jæja farinn að velta fyrir mér hvað ég eigi í ósköpunum að gera af mér...en ætli maður þurfi samt ekki að vinna á morgun og sunnudaginn verður farið á Úlfljótsvatn, sem er vinnudagur þá líka.

Einn vinnudagurinn að enda kominn! Sit hér í úrhellsrigningu að loknum fræðsluráðsfundi að ganga frá málum dagsins. Það er víst svo að sumir dagar eru lengri en aðrir. En þetta er svo sem að verða ágætt og gott að koma sér heim.
Þeir eru skrýtnir þessir dagar! Úrhellisrigning, eldingu laust niður í fokker, tja ekki vildi ég vera úti á sjái.
JÆJA....sagði maðurinn og fór

SVEIMÉR viðburðarík helgi. Á föstudaginn var sýning í MM sem var óvenju skemmtileg, það hefur aldrei áður veðið hlegið jafn mikið. Þegar hléið byrjaði og fólk týndist fram heyrðust þessir ógurlegu brestir og allir kíktu fram í sal furðulostnir...ein kona stóð þá hálf uppúr áhorfendapöllunum...hafði sem sagt farið í gegnum þá. En til allrar blessunar var hún heil og málinu var reddað í skyndi. Sýningin hélt svo áfram og gekk bara ljómandi vel.
LAUGARDAGURINN var vinnudagur. Við tókum til í geymslunum í 123, nokkuð gott afrek. Fríi um kvöldið en álfheiður var að spila. Lenti í gestgjafarhlutverki þar sem Sissi bróðir Álfheiðar kom í heimsókn.
SUNNUDAGURINN var tekinn rólega. fór í útskriftarveislu hjá JGS og á fund hjá SÍL og foringjakvöld um kvöldið. Framundan er vika funda, stra í dag, fra á morgun, gilwell í hádeginu á miðvikudag, svanur um kvöldið...sýning á fimmtudag. S.s. nóg að gera.