LÍFIÐ í Furugrundinni gengur vel! Við erum að koma okkur fyrir og reyna að ákveða hvað eigi að vera hvar. Ég er á leiðinni á Þingvelli að hitta Starfsráð (nefnd sem ég starfa fyrir í vinnunni). Síðan kem ég heim á morgun um miðjan dag til að komast í gírinn aftur við að standsetja íbúðina.
SÝNINGIN í gær gekk vonum framar, við spiluðum vel og leikararnir mundu sýnar línur. Mér var tjáð í gær að það yrðu sýningar allar helgar næstu tvo mánuði sem er bara mjög fínt.
Comment kerfið er komið inn á nýjan leik svo setjið endilega eitthvað comment þar.

FÖSTUDAGUR til fjár! ég er fluttur og svaf fyrstu nóttina í nýju íbúðinni í dag. Núna tekur við erfiður tími við að koma öllu draslinu fyrir - púff það á eftir að taka á. Einnig heldur leytin að þvottavél ársins áfram, það eru tvær komnar í lokaumferð annarsvegur AEG og hins vegur ASKO þetta er erfitt dæmi. Kannski ættum við bara að kaupa einhverja ódýra humm...
HELGIN er framundan og margt að gerast - í kvöld er það MM og á morgun verður haldið í vinnuferð að Þingvallavatni með Starfsráði BÍS. Á sunnudaginn er meiningin að halda áfram að standsetja íbúðina.
KATA ég er virkur...hættur að vera óvirkur please...ekki hafa mig í óvirka hlutanum...ég lofa að skrifa meira...og já helv..commentin duttu út ég þarf eitthvað að bæta úr því!

FLUTNINGAR eru fyrirbæri sem ég ætla að stunda sem sjaldnast á minni ævi! Á morgun mun ég í fyrsta skipti á minni 26 ára löngu ævi flytjast búferlum alla leiðina uppí Furugrund (fyrir þá sem ekki vita að þá er það ca 5 min frá því sem ég bý í dag). Mínir elskulegu foreldrar ákváðu að byggja sér nýtt hús fyrir efri árin og sem sagt selja ofan af mér. Ég sem var farinn að sjá fram á að búa í góðu yfirlæti í kjallaranum þar til að ég gæti skipt við þau.
LEIKRITIÐ er Meistarinn og Margaríta er frábært ef það hefur farið fram hjá einhverjum. Ég get útvegað fólki miða á 1800 kall ef einhver hefur áhuga. Síðasta laugardag var ég einmitt að spila og leika. Þetta varð sögufræg sýning þar sem hún styttist alltíeinu um 20 mín. en það er víst bannað að segja afhverju.
INTERRAIL er eitthvað sem ég er að spá alvarlega í þessa dagana. Ég bý nú svo vel að eiga vini í Þýskalandi, Slóveníu, Danmörku, Noregi, Ítalíu og Austurríki allavega þannig að hugsanlega gæti ég flakkað um evrópu og fengið gistingu hér og þar. Hljómar eins og plott! Ekkert ákveðið en þetta kemur allt í ljós.
ÞVOTTAVÉLAKAUP eru á dagskrá í framhaldi af flutningunum. ég er nokkuð ákveðin eftir að hafa skoðað þvottavélar að ASKO eru bestar. nú er það bara að sannfæra Álfheiði um að eyða nokkrum þúsundköllum meira og kaupa alvöru græju.
EN nóg í bili ég lofa að fara að skrifa reglulegra hér inn...ef einhver saknaði þess!

Mikið rosalega hef ég verið lélegur að blogga! En á því eru ýmsar skýringar, m.a. mikið að gera í vinnu og síðan stöndum við í flutningum. Á morgun er einmitt stefnan að hefjast handa við að mála nýja slottið og reyna að flytja um helgina. Frekar bjartsýn spá en þetta gengur vonandi eftir. Ég er næ ekki að útskrifast fyrr en í vor en það kemur víst ekki mikið að sök.

ERFIÐ vika á enda! Ég tók þrjú próf, kláraði æfingar fyrir leikritið og byrjaði að vinna fulla vinnu. Geri aðrir betra. Nú er vikan á enda og við tekur að pakka niður fyrir flutninga sem hefjast í næstu viku og spila á sýningu annað kvöld (nánri upplýsingar á www.hhh.is). Fjör fjör fjör...farinn heim!

Gleðilegt nýtt ár! Viðburðarríkt ár að baki og spennandi ár framundan. Mér finnst það vera með ólíkindum hvað fólk getur eytt í flugelda...sjálfur eyddi ég ekki krónu þetta árið...þetta er mjög gaman reyndar en common að vera eyða yfir 10 þús krónum! En best að halda áfram...maður þarf að mæta á æfingu í kvöld og alla helgina, finna einhvern tíma til að læra fyrir próf...nóg að gera að venju.

Mættur norður á Akureyri í jólasteikina! Ég óska öllum gleðilegra jóla...

ÞAÐ er runnið af mér! Helginn var mjög strembinn við vorum að æfa leikritið bæði á laugardag og sunnudag frá 10 til 16. og svo spilaði ég á Laugarveginum á laugardaginn. Framundan eru strembnar æfingar og smá jólafrí og áramótafrí.

Við vorum að spila áðan í Mál og menningu á Laugarvegi og fengum gefins bókina um meistaran og margarítuna. Nokkuð gott svo nú er bara málið að byrja að lesa...kannski ég klári vörnina fyrst en hún er á fimmtudaginn. Sem sagt góðir dagar framundan...

DAGUR dauðans...nei reyndar ekki það er kominn nýr dagur! en dagurinn, sem sagt gær dagurinn var sófadagur. Horfði meira segja á útsendingu frá Alþingi. Þetta var sem sagt ein sú versta þynka sem ég hef upplifað sem er afleiðingar fimmtudagskvöldsins...þá var djammað með bekknum helv...mikið fjör. Ég, Jói og Hákon tókum Gleðibankann við mikinn fögnuð, æsispennandi kosningar um um ýmsa lykilmenn í bekknum og mikið drukkið af fríum bjór og víni frá dyggum stuðninsfyrirtækjum bekkjarins. Skemmti mér hið besta og fór heim á skikkanlegum tíma, vaknaður klukkan 9 en komst ekki lengra en í sófan = þynka dauðans!

Á MORGUN eða í DAG fer dagurinn í æfingar með Hafnarfjarðarleikhúsinu og líka sunndagurinn. Jæja ætli það sé ekki best að koma sér í bólið...

FURÐULEGT hvað maður getur verið þreyttur stundum! Borðið á bókhlöðunni er meirasegja orðinn spennandi svefnstaður - en það má víst ekki...Ég sem sagt svaf alltof lítið síðustu nótt er búinn að vera dauðþreyttur að rembast við að lesa í allan dag. Dagurinn er brátt á enda og þá kemst ég loksins í rúmið. Á morgun er síðasta prófið mitt og svo vörnin eftir viku. Þetta er allt að koma og já á morgun er líka bekkjarpartý sem vonandi hressir uppá sál og líkama:)

PRÓF III lokið og gekk bara glymrandi vel - þar til annað kemur í ljós! Ég afrekaði það í fyrsta skipti að vera fyrstur til að skila prófinu, veit ekki hvort það sé slæmt eða gott. þá er bara að hefja lesturinn fyrir næsta próf sem er á fimmtudaginn kl. 13. Mættur á þjóðarbókhlöðuna og er að fara að lesa...

MÁNUDAGUR en á ný og jón búinn að kúka á kerfið :) Ég er temmilega ánægður með árangur helgarinnar en hefði mátt standa mig betur. Það má eiginlega segja að ég hafi lært eftir opnunartímanum í þjóðarbókhlöðunni sem er skammarlega lítill um helgar.

FYRSTA skátablaðið í minni ritstjórn er að verða klárt, gott að vinna svona í prófunum. Þetta er nú ekkert stórblað fjórblöðungur með dagatalinu fyrir næsta ár inní. Nú það er bara að sjá hvernig fólkinu líkar hvort að það verða fleirri blöð í minni ritstjórn. Annars er þetta nú merkilegt nokk, blað sem hefur komið út í 70 ár alla vega og sá sem ritstýrði flestum blöðum ritstýrði 23. Mikið að stefna á...sérstaklega þegar það komu bara út 2 tbl á þessu ári.

ÆTLI það sé ekki best að fara að læra að stjórna sölumönnunum. Hvernig eigi að umbuna þeim og hvetja áfram í starfi. Ég hef lesið skemmtilegri bækur og er farinn að skilja afhverju kennarinn hafði ekki meiri áhuga á þessu. jæja farinn að lesa...

PRÓF II búið sem sagt háfnaður jibbý! Gengið þokkalega hingað til svo nú er það bara að taka restina með trompi. mættur á bókhlöðuna á nýjan leik...

FLUTNINGARNIR hefjast sem sagt eftir áramót og ef allt gengur upp munum við flytjast uppí Furugrund. Fyrir þá sem vita það ekki að þá er það ca 5 mín frá því sem við búum núna. Þannig að ef þið eruð að koma í heimsókn að þá getiði komið (þ.e. eftir að við erum flutt) í Birkigrundina og labbað þaðan á nýja staðinn.

HELGIN er víst framundan! Það verður tekið frí í kvöld og horft á IDIOT og svo tekið á því á morgun.

SIGRAÐI kerfið, fékk borð á bókhlöðunni :) Ég mun ekki greina frá hvaða aðferðum ég beitti fyrr en eftir áramót...algjört hernaðarleyndarmál. Í dag er stefnan að njóta sigursins og lesa fram á kvöld...

FYRSTA prófið er búið og það næsta á föstudaginn! Þetta gekk ágætlega held ég bara. Ég á nú von á einföldu prófi næsta föstudag og á þriðjudaginn en síðasta prófið verður stembið.
VIÐ flytjum væntanlega í janúar allavega lítur allt út fyrir það. Það er komið tilboð í húsið sem verður nokkuð örugglega tekið og það þarf að rýma það fyrir 15. febrúar. Sem sagt Jón er að flytja í fyrsta skipti á æfi sinni spáið í því...

LESA meira í dag en í gær! Ég hef verið lokaður inni síðustu vikuna og lítið gert annað en að lesa. Stórfrétta er að vænta frá Öndinni innan fárra daga, það stefnir allt í svaka tónleika á milli jóla og nýárs...nánar síðar...farinn að lesa!

LÍTIL rök að HÍ borgi til Þjóðarbókhlöðunnar og eigi þessvegna að fá forgang í sæti. OK nemendurnir fá bókasafnsskyrteini osfrv. EN vitir menn ég borga víst líka í Þjóðarbókhlöðuna með mínum sköttum, ég veit allavega ekki til þess að styrkur hí standi undir rekstrinum.

ER að lesa í dag á Bókhlöðunni og ætli það sé ekki bara þjóðráð að hætta í tölvunni og gera meira af því...

EITT að lokum Svanurinn á að spila á Vetrarhátíð í febrúar og við þurfum að koma með hugmyndir hvað við viljum gera. So far hef ég komið með tvær, 1. Spila í hólmanum á tjörninni með höfuðljós og blárri lýsingu og 2. Samið yrði verk fyrir sveitina sem flutt yrði í turninum hjá slökkviliðinu, sveitin myndi raða sér í turninn x fjöldi á hverja hæð, svona óður til Slökkviliðsins og björgunarsveitarmanna.

LÆRA maður gerir ekkert annað en að læra og fara á æfingar! Ég flutti á bókhlöðuna á þriðjudaginn og er búinn að lesa nokkuð stöðugt síðan þá, miðar vel áfram. maður verður víst að nota tækifærið og nýta sér aðstöðuna þar til að manni verður hent út öfugum þar sem maður er í einhverjum sérskóla, þ.e. ekki í fína Háskólanum. Mér finnst þetta ótrúlegt misræmi að einum skóla sé úthlutað sætum þar fremur en öðrum. Víst svo er afhverju er þá hinum skólunum ekki búin betri aðstaða?

LEIKRITIÐ gengur vel, það er að koma mynd á þetta. Við byrjum væntanlega að æfa með leikurunum um miðjan des, þangað til æfum við okkur og fá kennslu í leiklist - veitir ekki af!

BEST að fara að læra! Það þýðir ekkert hangs...

HVAÐ á ég að gera? Síðan ég skilaði inn verkefninu mínu á fimmtudaginn hef ég lítið afrekað. Jú kannski smá mætti í vinnuna í gær og á föstudaginn, afrekaði tvo fundi og þar af einn símafund með 10 aðillum í þremur löndum. Í gær var svo tiltekt í 123 fyrir jólaamstrið og ég hélt fyrirlestur á námskeiði í Hafnarfirði. Að öðrileiti hin rólegasta helgi.

PLANIÐ er að fara að lesa í dag og frá og með þriðjudeginum verðru ekkert annað gert en að undirbúa sig fyrir prófin.

FRAMUNDAN er samt sem áður mjög margt! Svanurinn er að spila í leikriti sem heitir "meistarinn og magarítan" sem að mér skilst er mjög skemmtilegt og inniheldur mikla nekt. tja segi ekki orð meira um það! Leikritið verður sennilega frumsýnt 6 janúar.

BÚINN með lokaverkefnið. Eftir nokkrar vökunætur í skólanum er búið að skila verkefninu inn - með öllu endaði það í um 150 blaðsíðum - þ.e. greiningin, þriggja ára plan og árs plan ásamt viðaukum. S.s. ársvinnu lokið - HEPPINN!

SKRÝTIÐ að skólinn sé að verða búin!